Auknar líkur á þriggja flokka stjórn
Setja bókamerki
Líkur á að Sjálfstæðisflokkurinn, Viðreisn og Björt framtíð hefji formlegar stjórnarmyndunarviðræður hafa aukist að nýju. Formenn flokkanna þriggja ræddu saman í gær. Þetta kemur fram í hádegisfréttum RÚV. Þar kemur fram að síðan þá hafi verið óformlegar þreifingar milli formanna flokkanna. Þeir verjast hins vegar allra fregna, samkvæmt RÚV.
Samkvæmt heimildum fréttastofu RÚV hafa viðræður átt sér stað um helgina. Þannig ræddu saman í gær þeir Benedikt Jóhannesson, Bjarni Benediktsson og Óttarr Proppé. Samkvæmt heimildum hafa líkurnar á því að Sjálfstæðisflokkur, Viðreisn og Björt framtíð hefji formlegar viðræður aukist að nýju, en áður hafði slitnað upp úr viðræðum flokkanna. Heimildir herma að nú séu menn líklegri til þess að gefa eftir í viðræðum, þegar hætta á stjórnarkreppu hefur aukist.
Hagsmunir íbúa að leiðarljósi
Komið „meira púður“ í viðræðurnar
Telja sig geta rekið Grindavík til 2026
Önnur aurskriða við Eyrarhlíð
Deilan enn í hnút eftir tveggja vikna verkföll
Sleginn yfir grófri framkomu gegn fjölskyldunni
„Einhverjir töfrar sem gerast“
Vandræði með vatn í Bolungarvík