Birgitta Jónsdóttir, þingflokksformaður Pírata, sagði í Vikunni hjá Gísla Marteini á RÚV í kvöld að mjög góðar líkur væru á því að ný ríkisstjórn fimm flokka yrði mynduð á næstu viku.

Píratar, Samfylking, Björt framtíð, Viðreisn og Vinstri græn hafa verið í óformlegum stjórnarmyndunarviðræðum síðustu vikuna, síðan Guðni Th. Jóhannesson, forseti Íslands, veitti Birgittu umboð til stjórnarmyndunar.

Birgitta ræddi um viðræðurnar, sagði þær ganga vel og einungis vantaði herslumuninn upp á hjá flokkunum. Benedikt Jóhannesson, formaður Viðreisnar, sagði í samtali við mbl.is í kvöld að framhald viðræna gæti skýrst um helgina.

Gísli Marteinn spurði Birgittu hverjar líkurnar væru á því að ný ríkisstjórn yrði mynduð fyrir næsta föstudag. „Ég myndi skjóta á svona 90%,“ sagði Birgitta en hún sagðist vera mjög bjartsýn manneskja. 

„Ég myndi aldrei nenna að sitja á svona fundum ef ég sæi engan tilgang með þeim,“ bætti hún við en óformlegir fundir halda áfram á morgun.

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Píratar á tvöföldum flótta
• Óðinn Þórisson: Birgitta tekur við hlutverki Jóhönnu að smala villiköttunum.