Mikil leynd hvílir yfir viðræðunum
Setja bókamerki
Formenn Sjálfstæðisflokks, Viðreisnar og Bjartrar framtíðar hafa fundað í dag og í gær með væntanlega stjórnarmyndum í huga samkvæmt áreiðanlegum heimildum mbl.is.
Mikil leynd ríkir yfir viðræðunum en formennirnir, Bjarni Benediktsson, Benedikt Jóhannesson og Óttarr Proppé hafa ekki látið ná í sig. Auk þess hafa aðrir þingmenn flokkanna verið afar tregir til að gefa nokkuð upp.
Katrín Jakobsdóttir, formaður Vinstri grænna, staðfesti í samtali við mbl.is í gær að hennar flokkur væri ekki í neinum stjórnarmyndunarviðræðum. Birgitta Jónsdóttir, þingflokksformaður Pírata, skrifaði á Facebook-síðu sína í gær þar sem kom fram að Píratar væru ekki í neinum leyniviðræðum við neina flokka um myndun ríkisstjórnar.
Sjálfstæðisflokkur, Viðreisn og Björt framtíð eru samtals með 32 þingmenn á þingi og er því minnsti mögulegi þingmeirihluti. Eftir kosningarnar 29. október fóru flokkarnir í formlegar stjórnarmyndunarviðræður upp úr þeim slitnaði um miðjan síðasta mánuð.
Tvívegis hefur verið reynt að mynda fimm flokka stjórn eftir að upp úr viðræðum áðurnefndra þriggja flokka slitnaði. Þær viðræður hafa ekki gengið sem skyldi og virðist röðin því aftur komin að Sjálfstæðisflokki, Viðreisn og Bjartri framtíð að spreyta sig og reyna að mynda ríkisstjórn.
Það verður síðan að koma í ljós hversu hratt viðræður flokkana gangi og hvort þeir nái saman í þetta skiptið. Eins og staðan er núna lítur í það minnsta allt út fyrir að Sigurður Ingi Jóhannsson, formaður Framsóknarflokksins, flytji ávarp forsætisráðherra á gamlárskvöld.
Nokkrir með stöðu sakbornings
„Tímaspursmál hvenær eitthvað alvarlegt gerist“
Hæstiréttur þyngir dóm í kynferðisbrotamáli
Segir afstöðu ráðherra lýsa skilningsleysi
Ekki hægt að framfylgja lögum og stefnu án úrræða
„Mjög bjartsýn“ á að jákvæðar fréttir berist í dag
Yfirgripsmikið mál en rannsókn miðar vel
Íslenskar bækur í gervigreind Meta