Matur | mbl | 18.7.2023 | 14:00

Girnilegir hamborgarar fyrir landsleikinn

Girnilegar uppskriftir fyrir hamborgaraveisluna. Samsett mynd

Það er leikur hjá íslenska kvennalandsliðinu knattspyrnu í kvöld þar sem þær spila í Austurríki. Leikurinn verður sýndur í beinni útsendingu hjá Símanum í opinni dagskrá. Það er rjómablíða á landinu svo þá er upplagt að bjóða í grill og grilla ljúffengan hamborgara og hvetja stelpurnar til dáða á skjánum.

Hér eru nokkrar uppskriftir að ómótstæðilega girnilegum hamborgurum sem birtst hafa á matarvefnum. Nú er bara að velja og grilla þann sem þér líst best á. Upplagt er að leika sér með hráefni og meðlæti eins og matarhjartað girnist og útbúa þann sem þér þykir bestur.