Matur | mbl | 1.2.2024 | 21:00

Stórleikkonan Emma Watson er mætt í vínbransann

Stórleikkona Emma Watson hefur haslað sér völl í vínbransanum ásamt yngri bróður sínum Alex Watson og stofnað vínframreiðslu og framleiðir nú gintegundina Renais Samsett mynd

Hin geðþekka leikkona Emma Watson sem er þekktust fyrir hlutverk sitt í Harry Potter kvikmyndunum þar sem frægðarsól hennar náði mikilli hylli. Nú hefur hún haslað sér völl í vínbransanum og stofnað vínframreiðslu og framleiðir nú gintegundina Renais í samstarfi við yngri bróður sinn Alex Watson. Segja má að þetta sé ekki klassískt London Dry gin úr einiberjum. Renais ginið er ræktað í Chablis-vínhéraðinu í norðurhluta Bourgogne-héraðsins og í framhaldi eimað í Englandi. Ginið er búið til úr endurnýttum vínpressuðum þrúgum frá vínbúgarði fjölskyldu þeirra systkina. Hægt er að fylgjast með systkininum á Instagram síðu Renais hér.

Fjölskyldan á langan bakgrunn í franskri víngerð

Það kann að vera að Watson sé ný í heimi ginsins, en fjölskylda hennar hefur langan bakgrunn í franskri víngerð. Faðir systkinanna, Chris Watson, gróðursetti Domaine Watson vínekrurnar fyrir þremur áratugum. Árið 2002 náði hann öðru sæti sem besti sjálfstæði Chablis ræktandinn og vann Medaille d'Argent og varð í kjölfarið sendiherra Chablis í Bretlandi. Bróðir Emmu, Alex, hefur starfað í áratug í drykkjarvöruiðnaðinum, þar á meðal hjá drykkjarrisanum Diageo.

Hefð og fjölskylduástríða

Domaine Watson fjölskyldu vínbúgarðurinn samanstendur af sjö litlum víngörðum sem liggja þétt saman í hlíðum kalksteinshæða Chablis og Irancy. Víngarðurinn er fullur af hefð og fjölskylduástríðu. Bæði Domain Watson Chablis vínin og Renais ginið eru í uppáhaldskokteilum Emmu Watson. Hér einn af hennar uppáhalds sem ber einfaldlega heitið Emma Spritz kokteill.

Emma Spritz kokteill

30 ml Renais gini
30 ml elderflower tonic (ylliblóm)
Nokkrir dropar Suze aperitif
30 ml sítrónusafa
Skvetta af Domaine Watson Chablis hvítvíni
200 ml sódavatn
Kornblóm, til að skreyta

Aðferð:

Fyllið vínglas af ísmolum og helltu síðan Renais gininu í glasið (eða annarri tegund af gini að eigin vali) og elderflower tonic yfir.
Bætið við nokkrum dropum af Suze líkjör og síðan sítrónusafanum og í framhaldinu skvettu af Domain Watson Chablis hvítvíni (eða aðra tegund af eigin vali),
Fyllið síðan glasið upp að börmum með sódavatni.
Hrærið síðan í blöndunni til að lyfta Renais gininu upp úr botninum á glasinu.
Skreytið með kornblómi eða blómi að eigin vali og njótið.