Russell Crowe segir að ástæðan fyrir því að hætt var við gerð kvikmyndarinnar Eucalyptus, sem hann átti að fara með aðalhlutverkið í, hafi verið sú, að hann vildi ekki sýna á sér tippið.
Nicole Kidman átti einnig að leika í myndinni, sem var aflýst í síðustu viku, þrem dögum áður en tökur áttu að hefjast. Frá þessu greinir Ananova.com.
Haft er eftir Crowe: „Mér fannst það fráleit hugmynd að það yrði bætt við atriði þar sem ég bera mig fyrir Elísabetu drottningu ungri.“
Hann segir ennfremur að sér hafi verið boðið að notast við gervilim og mátt velja úr allmörgum.
Þá herma fregnir að Crowe hafi sinnast við Kidman. Crowe hló að þeim fréttum og sagði: „Hvað kemur næst? Að ég hafi krafist þess að fá að leika hlutverk Nicole líka?“