Dökkhærðar konur skutu ljóshærðum kynsystrum sínum ref fyrir rass á lista tímaritsins Harpers & Queen yfir fallegustu konur í heimi. Angelina Jolie trónar á toppnum, og næstar koma ofurmódelið Christy Turlington, Rania Jórdaníudrottning, kvikmyndaleikstjórinn Sofia Coppola og matreiðslukonan Nigella Lawson.
Það voru eitt þúsund sérfræðingar úr heimi tísku, lista og fjölmiðla sem völdu á listann, að því er Ananova greinir frá.
Ljóshærðar konur eins og Kate Moss, Uma Thurman og Scarlett Johansson eru á listanum, en ekki í neinu af fimm efstu sætunum. Ritstjóri tímaritsins, Lucy Yeomans, sagði: „Við urðum virkilega hissa þegar dökkhærðar konur urðu í efstu sætunum. En niðurstöðurnar sýna afdráttarlaust brotthvarf frá hefðbundinni upphafningu ljóshærðra kvenna. Þess í stað ber nú meira á fólki sem hefur sérstæða fegurð.