Söngvari bandarísku rokkhljómsveitarinnar Boston er látinn, en lík söngvarans fannst á heimili hans í gær. Brad Delp, sem var 55 ára þegar hann lést, átti marga smelli á áttunda áratugnum með hljómsveit sinni, m.a. „More Than a Feeling“ og „Long Time“.
Lögreglan í New Hampshire í Bandaríkjunum hefur staðfest að hafa fundið lík Delp eftir að hafa verið fengið tilkynningu í gær.
Ekki liggur fyrir að svo stöddu hvað dró Delp til dauða, en lögreglan segir ekkert benda til þess að einhver hafi banað honum.
Búið er að loka vefsíðu hljómsveitarinnar og þar stendur nú aðeins: „Við höfum nú misst vingjarnlegasta gaurinn í rokkinu.“