Riyad al-Maliki, utanríkisráðherra heimstjórnar Palestínumanna segir að yfirvöld í Egyptalandi hafi samþykkt að yfirvöld á palestínsku sjálfstjórnarsvæðunum taki við stjórn Rafah landamærastöðvarinnar á landamærum Egyptalands og Gasasvæðisins að því tilskyldu að Hamas-samtökin komi þar ekki nærri. Þetta kemur fram á fréttavef Ha’aretz.
Maliki segir að þetta hafi komið fram á fundi Aboul Gheit, utanríkisráðherra Egyptalands með Salam Fayyad, forsætisráðherra heimastjórnarinnar í morgun. Þá segir hann að Gheit hafi fordæmt valdarán Hamas-samtakanna á Gasasvæðinu í júní og kallað það valdarán gegn lögmætum yfirvöldum.
Fundi Ehud Olmerts, forsætisráðherra Ísraels, og Mahmoud Abbas, leiðtoga Palestínumanna lauk í Jerúsalem fyrir stundu en ekki hefur enn verið greint frá niðurstöðum viðræðnanna. Ísraelskir embættismenn segja þó að Olmert sé mótfallinn því að Palestínumenn tali alfarið við stjórn landamærastöðvarinnar.