Japani tekinn í gíslingu í Írak

Junichiro Koizumi, forsætisráðherra Japans, sagði í kvöld að japanskir hermenn yrðu ekki kallaðir heim frá Írak þrátt fyrir herská íslömsk samtök virðist hafi tekið Japana í gíslingu og krefjist þess að japanskir hermenn fari á brott ella verði gíslinn tekinn af lífi.

„Sjálfsvarnarsveitirnar munu ekki draga sig til baka," hafði talsmaður eftir Koizumi.

Myndband var birt á íslamskri vefsíðu í kvöld og á því sást maður, sem sagður var vera Japani í haldi samtaka jórdanska hryðjuverkamannsins Abu Musab al-Zarqawis. Var því hótað að gíslinn yrði líflátinn innan tveggja sólarhringa ef japanskar hersveitir færu ekki frá Japan.

Búast má við að gíslatakan valdi uppnámi í Japan og verði nýr prófsteinn á staðfestu stjórnvalda sem sendu 500 hermenn til suðurhluta Íraks til að styðja við uppbygginguna í landinu. Japanskur almenningur var mjög mótfallinn því að hermenn væru sendir til Íraks og sýna skoðanakannanir að Japanar vilja ekki að hermennirnir verði þar lengur en út þetta ár.

• Blogga um frétt