Umferðaróhapp varð á gatnamótum við Verslunarskólann á ellefta tímanum í morgun, en þar lentu saman strætisvagn og fólksbíll. Þrír einstaklingar sem voru í fólksbílnum slösuðust nokkuð og voru fluttir með sjúkrabíl á slysadeild, samkvæmt upplýsingum lögreglunnar í Reykjavík.
Að auki slösuðust þrír farþegar strætisvagnsins lítillega. Lögregla getur ekki veitt frekari upplýsingar um málið að svo stöddu.