Upplýsingar frá Almannavörnum hafa nú breyst á þann veg að aðeins er nauðsynlegt að ganga með rykgrímur þar sem sjáanlegt öskufall er á jörðu, en ekki um allt land eins og áður kom fram.
Niðurstöðum efnagreiningar á öskunni er enn ekki lokið en ekki er útilokað að flúor sé í henni sem haft getur eituráhrif þar sem hún fellur til jarðar og er í andrúmsloftinu.
Frekari upplýsinga um æskileg viðbrögð á öskusvæðum er að vænta frá sóttvarnarlækni. Mikilvægt er að bændur sem hafa búfénað fari að leiðbeiningum Matvælastsofnunar vegna öskufallsins.