Tilkynntu ekki kaup

Sex framkvæmdastjórar hjá Glitni keyptu mikið magn af hlutabréfum í bankanum degi áður en nýtt skipurit bankans var kynnt á síðasta ári. Með þessum hætti þurfti bankinn ekki að tilkynna um kaupin til Kauphallarinnar þar sem þeir voru ekki orðnir framkvæmdastjórar þegar kaupin áttu sér stað.

„Þarna voru menn ekki komnir í framkvæmdastjórn formlega og því var ekki skylt að tilkynna þetta,“ segir Kristinn Arnar Stefánsson, regluvörður Íslandsbanka, áður Glitnis. Hann segir að tilkynnt hafi verið um einhver kaup þar sem kaupendur höfðu stöðu innherja þegar kaupin áttu sér stað.

Margir framkvæmdastjóranna fengu lán hjá Glitni til að fjármagna hlutabréfakaupin í gegnum sérstök eignarhaldsfélög í sinni eigu.