Starfsfólk krabbameinsdeildar Landspítalans fjölmennti í Gamla bíó í gær, horfði saman á leikinn Ísland – Portúgal á EM og naut góðra veitinga. Að sögn Gunnars Bjarna Ragnarssonar, yfirlæknis á krabbameinsdeild spítalans, var ákaflega góð stemmning í hópnum. Mikið álag er á deildinni dagsdaglega en þarna fjölmennti hópurinn og gerði sér glaðan dag saman. Makar og börn voru með í för til að upplifa magnaða getu íslenska landsliðsins. Gunnar Bjarni segir að krabbameinsdeildin vinni þrekvirki á hverjum degi til að halda Íslandi í fremsta flokki þegar kemur að krabbameinslækningum í heiminum. 

„Krabbameinsdeildin ætti heima á heimsmeistaramóti,“ segir hann og brosir.