Nóttin: Úlfar Lúðvíksson í stuði á hótelbar
Setja bókamerki
Ef það er eitthvað sem einhleypir þola ekki, þar á meðal Nóttin, þá eru það dagar eins og Valentínusardagurinn. Hver fílar verksmiðjuframleidd hjörtu frá AliExpress? Ekki Nóttin allavega, svo mikið er víst. Þessi viðbjóður er svo hættulegur að meira að segja pabbi þurfti að afbóka löngu bókaða fundi því innanhússstílistinn, sem hann býr með, var búin að skipuleggja óvænta Valentínusargleðistund fyrir karlinn.
Nóttin ákvað að spyrja ekki hvað stæði til því um leið og hún leiddi hugann að þessu sá hún föður sinn fyrir sér olíuborinn ofan á borðstofuborðinu úr Casa.
Nóttin laumaði sér því aðeins fyrr heim úr vinnunni á þessum hryllilega ástardegi. Fór í tvöfaldan ljósatíma og skellti sér á Kringlukrána. Hvar er betra en að gleyma eigin eymd og ástleysi en innan um karla með brjálaðar skoðanir. Það hefur sjaldan verið eins mikil mannalykt á einum veitingastað og þetta kvöld.
Fimmtudagurinn var löngu planaður. Vinkona Nóttarinnar vildi ólm fara á tónleika hjá Klemens úr Hatara sem fóru fram í Gamla bíói. Ásgeir Trausti var á svæðinu ásamt kærustu sinni Karitas Óðinsdóttur Reykjavíkurdóttur en þar var líka Matthías Tryggvi Haraldsson og Einar Stefánsson.
Gunnar Hansson leikari og útvarpsmaður var á tónleikunum ásamt eiginkonu sinni, Hiroko Ara, en þau gengu í hjónaband í ágúst 2021. Rúnar Freyr Gíslason leikari lét sig ekki vanta á tónleikana og heldur ekki Nína Richter og Ingunn Lára Kristjánsdóttir.
Nóttin ákvað að vera frekar róleg á föstudeginum en svo kom fiðringur í hana. Áður en hún vissi af var hún komin á fullorðinsbarinn. Á Edition-hótelinu var Úlfar Lúðvíksson, strangi lögreglustjórinn á Suðurnesjum í fíling.
Á sama stað var Árni Hauksson fjárfestir, sem er einn heitasti piparsveinninn þessa dagana. Nóttin skilur ekki hvers vegna hann er ekki búinn að bjóða henni á stefnumót. Ætli hann sé byrjaður með einhverri?
Nóttin rölti yfir á Kjarval. Þar var María Sigrún Hilmarsdóttir fréttamaður, Heiðrún Lind Marteinsdóttir framkvæmdastjóri SFS og Svana Friðriksdóttir almanntengill. Anna Þóra Björnsdóttir uppistandari og gleraugnasali var líka í stuði.
Nóttin vaknaði eiturhress á laugardeginum en henni leið eins og myglusvepp þegar hún sá hjónin Hildi Björnsdóttur borgarfulltrúa og Jón Skaftason framkvæmdastjóra á gangi í Vesturbænum í stíl. Bæði í North Face úlpum, bæði með speglasólgleraugu og hund. Hversu fullkomið? Hvers vegna er Nóttin ekki á gangi með hund í setteringu við kærastann? Þegar hún var búin að jafna sig á þessu áfalli fór hún á Spænska barinn sem er óvænt orðinn ofursvalur unglingabar. Þar var Patrik Atlason og Gústi B.
Nóttin er að reyna að temja sér hollari lífshætti og þess vegna skellti hún sér í Tennishöllina á Sunnudaginn. Þar var ekki þverfótað fyrir heilsusamlegum frægðarmennum en þar voru World Class-amman og afinn, Björn Leifsson og Hafdís Jónsdóttir, Baltasar Kormákur Baltarsson og Sunneva Ása Weisshappel listamaður.
Nóttin náði þó ekki að halda sunnudeginum alveg hreinum því áður en hún vissi af var hún komin á American Bar þar sem hún fékk sér bjór. Og skot og meiri bjór. Þar var Auddi Blö að reyna að horfa á leik en það gekk ekki sem best því fólk var endalaust að reyna að fá mynd af sér með honum.
Það voru nokkur prómill í Nóttinni þegar hún fór að sjá Eddu í Þjóðleikhúsinu á sunnudagskvöldið. Hún reyndi að láta allt líta eðlilega út en þar var tónlistarkonan GDRN og Ásgeir Jónsson seðlabankastjóri í góðum gír.
Nóttin fór fulla ferð inn í góða heiminn á mánudeginum. Aðeins að reyna að skuldajafna eftir tipsí-leikhúsferðina. Hvar er betra að ná jafnvægi en einmitt í Breiðholtinu. Í spinningtíma hjá Jenný Ósk var Nóttin ekki sú eina sem hugsar um heilsuna því fallegasti ráðherrann, Áslaug Arna Sigurbjörnsdóttir, var líka í tíma.
Ekki tekið heiðarlegt samtal við ríkisstjórnarborðið
Stjórnvöld hafa tvo mánuði til að bregðast við
„Ættir þú ekki frekar að bjóða þig fram til Alþingis?“
Telur loftslagsdóm MDE rangan
„Eyddi nánast allri nóttina í þetta“
Frelsi sem fylgdi því að loka Önnu Jónu
Loftslagsdómurinn út í loftið
Hluti peninganna kominn í leitirnar
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál