Tveir lykilstarfsmenn Mercedes-liðsins í Formúlu 1 kappakstrinum ganga til liðs við Ferrari að keppnistímabilinu loknu. Þeir Loic Serra og Jerome d'Ambrosio fylgja Lewis Hamilton til Ítalíu.
Serra fer í bílahönnunardeild Ferrari og d'Ambrosio verður aðstoðarliðstjóri og mun bera ábyrgð á þróun ungra ökuþóra í akademíu liðsins sem er sams konar hlutverk og hann gegndi hjá Mercedes.
Fred Vasseur, liðstjóri Ferrari, þykir hafa gert góða hluti síðan hann tók við stjórnartaumum liðsins en Adrian Newey, bílahönnuður Red Bull, hefur einnig verið þrálátlega orðaður við Ferrari.
Scuderia Ferrari HP is pleased to announce it is further strengthening the team with the arrival of Loic Serra and Jerome d’Ambrosio
— Scuderia Ferrari HP (@ScuderiaFerrari) May 13, 2024
Read more: https://t.co/iKM2RtqP54 pic.twitter.com/fPPhvYD5GX