Knattspyrnumaðurinn Haraldur Einar Ásgrímsson er kominn aftur á heimaslóðir hjá Fram eftir rétt rúm tvö tímabil með FH.
Bakvörðurinn er uppalinn hjá Fram og hjálpaði liðinu að komast upp í efstu deild árið 2021 er Framarar unnu 1. deildina með glæsibrag.
Haraldur lék 43 leiki með FH í efstu deild og komu þrír af þeim á þessu tímabili. Hann kom inn á sem varamaður í öll skiptin og fékk fáar mínútur.
Hann lék 55 leiki með Fram í 1. deildinni og skoraði í þeim tvö mörk. Árið 2018 lék hann 19 leiki sem lánsmaður hjá Álftanesi í 4. deild.