Íþróttir | Enski boltinn | mbl | 14.2.2016 | 12:27

Hraunaði yfir stuðningsmann (mynd)

James McClean í loftfimleikum.
James McClean í loftfimleikum. AFP

Írski vængmaðurinn James McClean lenti í rifrildi við áhorfendur í gær. Atvikið átti sér stað eftir að hann var tekinn af leikvelli í 1:0-sigri WBA gegn Everton í ensku úrvalsdeildinni í knattspyrnu.

Everton var 76% leiktímans með knöttinn og átti 34 marktilraunir en samt unnu McClean og félagar hans leikinn. Eina mark leiksins skoraði Solomon Rondon á 14. mínútu, úr eina skoti WBA á markið.

Tony Pulis, knattspyrnustjóri WBA, vildi hvorka játa né neita því að McClean hefði skipst á orðum við stuðningsmann Everton. Engu að síður ætlaði hann að ræða málið við lærisvein sinn. „Hvort sem það er satt eða ekki. Ef James lenti í einhverju orðaskaki þá mun ég ræða við hann,“ sagði Pulis.

„Þetta er frábær borg og það er gaman að koma hingað. Það er alltaf frábært að koma á þennan völl og ég kvarta því ekki yfir því þó stuðningsmenn Everton hafi kvartað yfir okkar leik,“ bætti Pulis við.

Mynd af McClean hreyta einhverju í stuðningsmann Everton má sjá hér að neðan.

mbl.is
Fleira áhugavert
Væri að ljúga ef ég segðist ekki stressaður Skemmtiferðaskip hætt komið nærri Viðey Skar höfuðleðrið af íslenskri konu „Það þarf að vinna mikinn fjölda upp“
Fleira áhugavert
„Umsátursástand“ „Það þarf að vinna mikinn fjölda upp“ Gígbarmurinn hækkað frá því í gær Kostnaður meiri en milljón á fermetra