Skipti á Räikkönen og Leclerc ekki rædd
Setja bókamerki
Tengdar fréttir
Formúla-1/Ferrari
Liðsstjóri Sauber vísar því á bug að Ferrari hafi óskað eftir því að skipta á þeim Charles Leclerc og Kimi Räikkönen fyrir belgíska kappaksturinn í Spa.
Sauberstjórinn Frederic Vasseur segir Ferrari ekki farið fram á ökumannaskipti en Leclerc en ítalska liðið er sagt vera skoða það rækilega að ráða Leclerc fyrir næsta ár, en hann hefur verið undir verndarvæng liðsins um árabil.
Orðrómur hefur verið á kreiki í Steyrufjöllum í dag þess efnis að látið yrði reyna á getu Leclerc í Ferraribíl í Spa.
„Ég skil vel að við komum við sögu flugufregna í fjölmiðlum en það hefur ekkert með sannleikann að gera. Við erum einbeittir í okkar störfum og Charles einbeitir sér að Sauber. Framtíð hans verður rædd síðar,“ segir Vasseur.
„Ég held það sé farsælla fyrir hann að bíða fram að vertíðarlokum með að íhuga liðsskipti,“ bætir hann við.
Leclerc hefur klárað fimm síðustu mót í stigasæti og játar Vasseur að vi ðsvo góðum árangri hefði liðið ekki búist fyrirfram við.
Tengdar fréttir
Formúla-1/Ferrari
Fylgi frambjóðenda komið á fleygiferð
Alvarlegt ofbeldisbrot til rannsóknar
Stjórnvöld brjóti gegn alþjóðlegum skuldbindingum
Þriðjungi meira í veiðigjöld
Ekki á leið til útlanda
Eldur í bragga á Egilsstöðum