Sauberliðið hefur ráðið Ítalann Antonio Giovinazzi til að keppa við hlið Kimi Räikkönen á næsta ári, 2019. Tekur hann sæti Svíans Marcus Ericsson sem áfram verður hjá liðinu sem þriðji ökumaður.

Giovinazzi þreytti frumraun sína í formúlu-1 í ástralska kappakstrinum 2017 er hann keppti í stað Pascal Wehrlein sem var frá keppni vegna meiðsla. Hann vakti athygli fyrir frammistöðu sína í Melbourne en keppni í Kína hálfum mánuði seinna gagnaðist lítt því hann klessti Sauberbílinn bæði í tímatökunum og í kappakstrinum.

Giovinazzi er 24 ára og ók nokkrum sinnum fyrir Haas-liðið á föstudagsæfingum keppnishelga í fyrra. Í ár hefur hann ekið fyrir Sauber á tveimur æfingum mótshelga, í Hockenheim og Ungverjalandi.

Ericsson hefur keppt fyrir Sauber frá og með 2015 en nú verður hlé á keppni af hans hálfu í formúlu-1, að  öllu óbreyttu.

Tengdar fréttir

Formúla-1/Sauber

Kimi byrjar helgina

• Áfrýja kúplingardómi
• Bensínið var of kalt
• Sería Räikkönen slitnar
• Alfa Romeo kemur á óvart

» Fleiri tengdar fréttir

• Blogga um frétt