Ole Gunnar Solskjær, fyrrum þjálfari Manchester United, og Jesse Marsch sem stýrði meðal annars Leeds United, eru taldir líklegastir til að stýra Kanadamönnum á heimsmeistaramótinu í fótbolta 2026.
Fregnir herma að bæði Solskjær og Marsch hafi fengið fyrirspurnir frá kanadíska knattspyrnusambandinu. Báðir hafa verið atvinnulausir í töluverðan tíma. Solskjær síðan 2021 þegar samningi hans við Manchester United var rift og Marsch síðan hann var rekinn frá Leeds í febrúar 2023.
Kanadamenn eru ein af gestgjafaþjóðum mótsins ásamt Bandaríkjunum og Mexíkó og voru þáttakendur á síðasta heimsmeistaramóti. Jose Mourinho og Frank Lampard hafa áður verið orðaðir við starfið.