Suárez gæti fengið tveggja ára bann
Setja bókamerki
Það er fátt meira rætt en atvikið á milli Luis Suárez og Giorgio Chiellini í leik Ítalíu og Úrúgvæ á heimsmeistaramótinu í knattspyrnu í dag þar sem Suárez sást greinilega bíta ítalska varnarmanninn í öxlina.
Samkvæmt Mirror hefur FIFA gefið það út að það ætli að rannsaka málið frekar og líklegt er talið að Suárez fái langt bann. Lengsta refsing sem FIFA getur gefið er 24 leikja bann, eða allt upp í tveggja ára keppnisbann en það á einungis við um landsleiki.
„FIFA verður að rannsaka atvikið alvarlega og ákveða í kjölfarið hvaða refsing er hæfileg,“ hefur Mirror eftir Jim Boyce hjá FIFA.
Lengsta leikbann í sögu HM fékk Mauro Tassotti frá Ítalíu eftir að hafa nefbrotið Spánverjann Luis Enrique með olnbogaskoti á heimsmeistaramótinu 1994. Hann var úrskurðaður í átta leikja bann með landsliðinu og það reyndist binda endi á landsliðsferil hans.
Átti ekki að láta pirring bitna á sjúklingi
Sparnaður heimila vex meira en áður var talið
Heitt vatn fannst sem gæti annað 10 þúsund manns
Skiptir mestu máli að fjárlögin voru samþykkt
Hvað gerðist eiginlega í VMA?
Einar skorar á næstu ríkisstjórn