Veiði | mbl | 15.6.2017 | 17:28 | Uppfært 21:24

Glæsilegur morgunn í Miðfirði

Glímt við lax í Austurá í Miðfirði. Rafn V. Alfreðsson

Miðfjarðará í Húnaþingi var opnuð í morgun og að sögn Rafns V. Alfreðssonar, leigutaka árinnar, þá fer veiði mjög vel af stað.

Var 23 löxum landað á stangirnar 6 á morgunvaktinni og voru þeir flestir tveggja ára, frá 80 til 93 cm, en að auki komu tveir smálaxar sem voru 63 og 65 cm. Var ágæt dreifing á veiðinni, en ekkert var veitt fyrir ofan Túnhyl í Vesturá og ekkert fyrir ofan Hlaupin í Austurá. Því eru margir góðir veiðistaðir sem eftir er að prófa og bíður það síðdegisvaktarinnar. Miðfjarðará hefur að geyma lengsta veiðisvæði í laxveiðá Íslandi.

Miðfjarðará hefur síðustu árin verið aflasælust af sjálfbæru laxveiðiánum og sumarið 2016 veiddust þar 4.338 laxar.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.