Jón Sigurðsson, forstjóri Össurar, hefur keypt 80.972 hluti í félaginu á genginu 21,31 dönsk króna, samkvæmt tilkynningu til Kauphallar á föstudag. Verðmæti viðskiptanna nemur tæplega 35 milljónum íslenskra króna.
Gengi hlutabréfa Össurar var 21 dönsk króna í kauphöllinni í Kaupmannahöfn í lok viðskiptadags á föstudag.
Jón á eftir viðskiptin 529.806 hluti í félaginu sem eru að verðmæti rúmlega 226 milljónir íslenskra króna, ef miðað er við gengi félagsins á föstudag. Eftir fyrrgreind kaup á Jón kauprétt á allt að 1.250.000 hlutum.