Höfuðrotta stekkur frá sökkvandi skipi
Setja bókamerki
Leikarinn Christoph Waltz, sem er meðal annars þekktur fyrir að leika nokkra erkiskúrka í kvikmyndum, liggur ekki á skoðunum sínum varðandi Brexit.
Í nýlegu viðtali var hann spurður um málið og álit hans á afsögn Nigels Farage, leiðtoga breska sjálfstæðisflokksins, UKIP. Þegar Farage hætti sagði hann að sigur útgöngusinna í þjóðaratkvæðagreiðslunni þýddi að pólitískum metnaði hans hefði verið fullnægt. „Auðvitað yfirgefur höfuðrottan sökkvandi skip,“ sagði Waltz og var ómyrkur í máli.
Hann vísaði til að reynt hefði verið að dulbúa afsögnina sem hetjulega útgöngu. Svo væri hins vegar ekki. Hérna væri verið að ganga frá sökkvandi skipi með skottið á milli lappanna, líkt og rottur gera, og skilja óreiðuna eftir fyrir aðra að hreinsa upp.
„Þetta sýnir hversu ógeðfellt þetta fólk er. Geta ekki einu sinni staðið með því sem þau gerðu.“
Segist hann fullkomlega á móti útgöngu Bretlands úr Evrópusambandinu. „Ég næ ekki utan um þessa stjarnfræðilegu heimsku.“
Fyrsti blaðamannafundurinn í heild sinni
Ók á hóp fólks á jólamarkaði: Einn látinn
„Börn heima sem maður myndi vilja hafa í skjóli“
Samfylking og Viðreisn gáfu loforð
„Tímabil aukinnar eldvirkni“
Bjarni: „Útilokað að þetta geti gengið upp“
Barn lést í árásinni
Funda með þingflokkum
