10 þúsund króna seðillinn verði tekinn úr umferð
Þorsteinn Friðrik Halldórsson
Setja bókamerki
Lagt er til að tíu þúsund og fimm þúsund króna seðlarnir verði teknir úr umferð sem fyrst og að hámark verði sett á leyfilega upphæð greiðslna fyrir vöru og þjónustu með reiðufé. Þetta kom fram í morgun á blaðamannafundi í fjármála- og efnahagsráðuneytinu sem ráðherra boðaði til.
Á fundinum voru kynntar skýrslur tveggja starfshópa sem í vetur var falið að vinna tillögur að aðgerðum til úrbóta vegna ábendinga sem fram komu í skýrslu starfshóps um umfang fjármagnstilfærslna og eignaumsýslu Íslendinga á aflandssvæðum.
Annar starfshópurinn skoðaði milliverðlagningu og faktúrufölsun. Var metið að árlegt tekjutap ríkissjóðs vegna óeðlilegrar milliverðlagningar tengdra lögaðila geti verið á bilinu 1 til 6 milljarðar íslenskra króna.
Hinn starfshópurinn skoðaði umfang og áhrif skattundanskota og skattsvika á íslenskan þjóðarbúskap. Meginviðfangsefni voru skattsvik sem rekja má til kennitöluflakks eða ólögmætra undanskota í verktakaiðnaði og peningaþvætti. Litið var á nýlegar rannsóknir og áætlað að undanskot gætu verið um 4% af landsframleiðslu, eða um 100 milljarðar króna.
Fólk fari eftir tilmælum: Mögulega stærri sviðsmynd
Gosið gerir flugi enga skráveifu
Umferðarslys á Reykjanesbraut
„Varla hægt að segja að þetta venjist“
Kvika komin mjög norðarlega: Færist nær brautinni
Alvarlegra en mörg fyrri gos
Vilja banna einkaþotur og þyrluflug
