Hagkerfi Bretlands dróst saman um 0,2% á öðrum ársfjórðungi þessa árs og hefur staðan ekki verið verri í þeim efnum frá árinu 2012 samkvæmt upplýsingum frá bresku hagstofunni. Breska ríkisútvarpið BBC greinir frá þessu.

Fram kemur í fréttinni að samdrátturinn hafi komið á óvart í kjölfar þess að hagvöxtur hafi aukist á fyrsta ársfjórðungi ársins sem einkum sé rakinn til þess að fyrirtæki hafi komið sér upp birgðum af aðföngum vegna fyrirhugaðrar útgöngu Bretlands úr Evrópusambandinu.

Gengi breska pundsins hefur lækkað í kjölfar þess að greint var frá samdrættinum sem leitt hafi til ótta við að Bretland stefni inn í efnahagslægð. Talað er um efnahagslægð þegar samdráttur verður í hagkerfi tvo ársfjórðunga í röð.

Hagfræðingar höfðu ekki spáð samdrætti á öðrum ársfjórðungi en höfðu hins vegar gert ráð fyrir því að hagkerfið myndi staðna og að hagvöxtur yrði þannig enginn.

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• 1 blogg um fréttina

Bloggað um fréttina

• Gunnar Sigfússon: Góðar fréttir fyrir okkur