„Samanborið við það sem við lögðum upp með í samningaviðræðunum er þetta verra en versta mögulega niðurstaða,“ segir Guðmund­ur Úlfar Jóns­son, formaður Flug­virkja­fé­lags Íslands, um niðurstöðu gerðardóms í kjaradeilu flugvirkja Landhelgisgæslu Íslands við ríkið.

Úrskurður gerðadóms var birtur á vef Ríkissáttasemjara í dag og segir Guðmundur gerðardóminn hafa komist að þeirri niðurstöðu að kjarasamningur flugvirkja hjá Landhelgisgæslunni til næstu tveggja ára byggi á kröfugerð ríkisins frá því í október.

Guðmundur Úlfar Jónsson, formaður flugvirkjafélags Íslands. Ljósmynd/Aðsend

Verkefni gerðardóms var að skera úr um hvort tenging milli kjarasamninga flugvirkja Landhelgisgæslunnar og flugvirkja Icelandair skyldi vera óbreytt eða hvort henni yrði breytt og þá á hvaða formi nýir kjarasamningar þyrftu að vera.

Gerðardómur hafnaði umræddri tengingu og var því nýr kjarasamningur gerður frá grunni, eins og fram kemur í gerðardómi.

Guðmundur segist allt eins hafa átt von á einherjum „ríkissamning“ en segir ótrúlegt að kjarasamningurinn sé „ríkissamningur sem framkallar kjaraskerðingar“ eins og hann orðar það.

„Það var ekkert hlustað á sjónarmið flugvirkja í þessum dómi.“

Frétt af mbl.is

Beðið eftir gerðardómi

Flugvirkjar vildu lengri samning en Guðmundur segir ekkert hafa verið tekið tillit til krafna þeirra. 

„Flugvirkjar gæslunnar eru að verða fyrir launatapi með þessum samning sem hleypur á tugum þúsunda,“ segir Guðmundur og skýrir mál sitt:

„Það er vegna hækkunar á reynslutíma í tegundarálögum þrátt fyrir að samningurinn feli í sér kjarahækkanir á grunnkaupi þá ganga þær til baka á öðrum sviðum.“

Hann segir að megnið af sérákvæðum um störf flugvirkja sé numið á brott. „Þetta er verra en við gátum átt von á verst.“

Hægt er að skoða úrskurð gerðardóms hér.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir

• Blogga um frétt