Dagur ekki enn hringt til baka
Setja bókamerki
Hildur Björnsdóttir, oddviti Sjálfstæðisflokksins í Reykjavík, telur flokkinn enn eiga góða möguleika á að komast í meirihlutasamstarf. Hún segir ýmsa möguleika á borðinu, Sjálfstæðisflokkurinn geti unnið með öllum og útiloki aldrei neinn.
„Það hafa nokkrir fundir átt sér stað í dag. Þetta er svona á óformlegu viðræðustigi ennþá en það þokast og samtöl ganga vel.“
Í gær sagði Hildur í viðtali á Bítinu á Bylgjunni að hún væri búin að ræða við alla oddvita í borginni eftir kosningar, utan tveggja, en að Dagur B. Eggertsson, borgarstjóri og oddviti Samfylkingarinnar, hefði ekki svarað símtölum hennar.
Spurð hvort Dagur væri búinn að setja sig samband við hana, sagði Hildur ekkert samtal hafa átt sér stað símleiðis.
Á mánudag sagði Dagur að oddvitar flokkanna, sem skipuðu meirihlutann í borgarstjórn á síðasta kjörtímabili, að Vinstri grænum undanskildum, ætluðu að fylgjast að í viðræðum um myndun nýs meirihluta á næstu dögum. Má því áætla að hann hafi ekki mikinn hug á viðræðum um meirihlutasamstarf við Sjálfstæðisflokkinn um þessar mundir.
Frambjóðendur skila inn listum í Hörpu
Kaldasti veturinn kom að óvörum
Skaut sex sinnum að feðginum á aðfangadagskvöld
/frimg/1/29/32/1293273.jpg)
Ekki af baki dottinn og ætlar að opna B5 aftur
Væri að ljúga ef ég segðist ekki stressaður
Strand skemmtiferðaskips kallar á erlenda aðstoð
Telur forsendur fyrir vaxtalækkun