Chelsea ætlar að kaupa Jack Butland, markmann Stoke City, til að koma í staðinn fyrir Thibaut Courtois, fari svo að Belginn verði seldur til Real Madrid. Courtois á eitt ár eftir af samningi sínum við Chelsea og hefur hann áhuga á að færa sig til Madrid.
Chelsea ætlar hins vegar ekki að selja Courtois fyrr en annar markmaður er kominn inn um dyrnar. Chelsea hafði einnig áhuga á Jordan Pickford, markmanni Everton, en bláa félagið í Liverpool hafði engan áhuga á að selja aðalmarkmann enska landsliðsins.
Forráðamenn Chelsea hafa nú þegar sett sig í samband við kollega sína hjá Stoke, en ekkert tilboð hefur litið dagsins ljós enn þá. Talið er að Stoke vilji fá um 30 milljónir punda fyrir Butland.