Það sem af er þessu ári hefur Útlendingastofnun synjað um 470 umsóknum um vernd frá ríkisborgurum Venesúela. Frá áramótum hafa um 120 ríkisborgarar Venesúela fengið aðstoð við sjálfviljuga heimför, en í nóvember var flogið með 180 einstaklinga til Venesúela.
Þetta kemur fram í svari Útlendingastofnunar við fyrirspurn Morgunblaðsins.
Alls hafa því um 300 einstaklingar frá Venesúela verið fluttir af landi brott á síðustu mánuðum. Þeir 120 sem farið hafa undanfarið fóru ekki allir með sama flugi, en flogið var með flesta í gegnum Madríd á Spáni.
Í svari Útlendingastofnunar segir einnig að um 630 umsóknir Venesúelabúa séu óafgreiddar hjá stofnuninni og 570 mál til meðferðar hjá kærunefnd útlendingamála.
Lesa má meira um málið í Morgunblaðinu í dag.