Væntir þess að ráðgjöf í þorski hækki til muna
Setja bókamerki
/frimg/1/49/23/1492308.jpg)
Grásleppuvertíð ársins hefur verið heldur slök til þessa og hefur hlutfall þorsks í netum grásleppusjómanna verið óvenju hátt. Um er að ræða eitt kíló af þorski fyrir hver tvö af grásleppu, en í fyrra voru það kíló af þorski fyrir hver fjögur af grásleppu, að því er fram kemur í umfjöllun Morgunblaðsins.
„Það eru ýmsar getgátur um það hvers vegna er minni grásleppuafli núna. Sumir segja að það sé einfaldlega minna af henni, en aðrir telja spila inn í að það er mun meiri þorskur í grásleppunetunum en var á síðasta ári,“ segir Örn Pálsson, framkvæmdastjóri Landssambands smábátaeigenda, í Morgunblaðinu í dag.
Spurður hvort hann telji það til marks um vaxandi þorskstofn svarar Örn því játandi og kveðst ekki geta ímyndað sér annað en að niðurstöður marsrallsins (vorleiðangurs Hafrannsóknastofnunar) muni sýna fram á það.
„Mér þykir það augljóst að það verði bætt verulega við í þorski [í ráðgjöf Hafrannsóknastofnunar um hámarksveiði]. Það er í raun bara spurning hvort það verði eins eða tveggja stafa tala, ég hallast frekar að tveggja stafa tölu.“
Haustbragur í maí: Snjókoma fyrir norðan
Eldvörpin byrjuð að gefa eftir
„Söguleg óvirðing sem gleymist aldrei“
Þyrla forsetans lenti í „slysi“
Gegnum lykilhlutverki fyrir NATO
Krabbameinsfélagið undirbýr mikilvæga rannsókn
Fann bein og tönn úr dýrum í sprungunni
Óljóst hvort þyrlan sé fundin