Rorum ehf. opnar á miðvikudag vefsíðu þar sem hægt er að skoða niðurstöður umhverfisvaktana á eldissvæðum.

„Uppsöfnun lífræns efnis undir sjókvíum hefur áhrif á botndýralíf. Með því að mæla breytingar á styrk lífrænna efna og rannsaka breytingar í samfélögum hryggleysingja á botni fást nákvæmar upplýsingar um bein áhrif fiskeldis á umhverfið,“ segir í tilkynningu á vef Rorum.

Þar segir að „uppsöfnun lífræns efnis undir sjókvíum hefur áhrif á botndýralíf. Lífrænt kolefni (TOC), köfnunarefni (TN), fosfór (TP) og oxunargildi (ORP) er mælt til að fylgjast með breytingum. Samspil efnamælinga og breytinga í samfélögum botndýra gefur því mjög skýra mynd af stöðu lífríkisins á hverjum tíma.“

Upplýsingarnar eru sagðar nauðsynleg forsenda þess að hægt sé að starfrækja fiskeldi í sátt við umhverfið.

„Vöktun á umhverfisþáttum fer fram á þremur mismunandi tímum í eldisferlinu: Áður en eldi hefst á eldissvæði til að meta hvert grunn ástandið er á eldissvæði (grunn sýnatökur). Þegar eldi hefur náð 75% af leyfilegum lífmassa eldissvæðis (hámarkssýnatökur). Þegar hvíldartíma eldissvæði líkur, venjulega 3 mánuðum eftir að slátrun líkur (hvíldarsýnatökur).“

Þátttakendur í verkefninu eru eldisfyrirtækin Ice Fish Farm á Austfjörðum og Arnarlax, ÍS 47, Hábrún og Háafell á Vestfjörðum.

Tengdar fréttir

Fiskeldi

Björk varar við frumvarpi ríkisstjórnarinnar

• „Margt hefur nú ekki beinlínis verið til fyrirmyndar“
• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna

» Fleiri tengdar fréttir

• Blogga um frétt