Verð á þorski áfram hátt

Gott verð hefur fengist fyrir þorskinn á fiskmörkuðum síðustu daga. Meðalverð fyrir slægðan þorsk hefur verið yfir sex hundruð krónum frá 19. mars og náði í gær 616,96 krónum á kíló. Hæsta verð í mars var 20. þegar það nam 655,5 krónum.

Þokkalegt verð hefur einnig fengist fyrir óslægðan þorsk það sem af er mars og var meðalverð í gær 528,46 krónur á kíló, en náði hámarki 18. mars þegar meðalverð á óslægðum þorski var 558,27 krónur.

Hægt er að fylgjast með þróun afurðaverðs á innlendum fiskmörkuðum á undirsíðu 200 mílna.

• Blogga um frétt