Neita viðræðum um sölu á McLaren

Bíla- og tæknifyrirtækið McLaren Technology Group, sem meðal annars á formúlu-1 liðið McLaren, neitar því að hafa átt í viðræðum við bandaríska tölvurisann Apple um hugsanlega yfirtöku a bílafyrirtækinu.

Breska blaðið Financial Times skýrði fyrst frá hinum meintu viðræðum og þar sagði að Apple hefði verið tilbúið að borga 1,5 milljarð sterlingspunda fyrir fyrirtækið í heild sinni. Einnig hefði tölvurisinn verið reiðubúinn að kaupa hlut í McLaren fengist fyrirtækið ekki yfirtekið.

Í samtali við vefritið scarboroughnews.co.uk segir talsmaður McLaren að fyrirtækið eigi í engum viðræðum við Apple varðandi hugsanlegar fjárfestingar. „Eins og nærri má geta um á  fyrirtæki sem okkar reglulega einkaviðræður við alls konar aðila, og við höldum innihaldi þeirra útaf fyrir okkur,“ segir talsmaðurinn.

<div>Þótt Apple sé þekktast fyrir snjallsímana iPhone þá hefur fyrirtækið stundað fjárfestingar í bílgeiranum undanfarin misseri. Á það meðal í prófunum á sjálfeknum rafbílum.</div>

Fyrir utan að halda úti keppnisliði í formúlu-1 smíðar McLarenfyrirtækið aflmikla sportbíla.