Sexhundruðasti Mitsubishi Outlander PHEV afhentur

Hekla afhenti um helgina sexhundruðasta Mitsubishi Outlander PHEV bílinn til nýrra eigenda. Viðtökur Íslendinga við 100 ára afmælistilboði Mitsubishi hafa verið umfram bjartsýnustu spár, að því er fram kemur í fréttatilkynningu. 

Vistvænir bílar verða æ vinsælli enda huga bifreiðaeigendur í auknum mæli að vistvænni lífsmáta eins og sölutölur á Outlander PHEV eru til vísbendingar um. Samkvæmt opinberum tölum er Outlander PHEV mest seldi bíllinn á Íslandi í flokki vistvænna bíla á Íslandi og á það bæði við um heildarsölu ársins 2016 sem og það sem af er árinu 2017. 

„Ég hafði mikla trú á Outlander PHEV frá byrjun og var viss um að Íslendingar tækju  honum fagnandi en þessar viðtökur gat ég ekki ímyndað mér, “ segir Friðbert Friðbertsson, forstjóri Heklu við afhendingu 600asta bílsins. „Við þökkum Íslendingum kærlega fyrir frábærar viðtökur og það er ljóst að Mitsubishi á góðan stað í hjörtum Íslendinga. HEKLA mun áfram kappkosta að bjóða upp á vistvæna valkosti og vera í fararbroddi hvað þann flokk varðar.“

Friðbert og Guðmundur S. Guðmundsson í söludeild HEKLU afhentu 600asta bílinn um helgina og það voru Sólveig Sif Halldórsdóttir og Arnar Pálsson sem keyptu þann bíl.  Var þeim afhentur bílinn með viðhöfn, sem fyrr segir, í sýningarsal Mitsubishi á Laugavegi.

• Blogga um frétt