Endurkoma Spice Girls að hluta

Svo virðist sem stúlknasveitin Spice Girls ætli sér að vera með endurkomu í júlí 2017 í tilefni þess að tuttugu og eitt ár er síðan sveitin gaf út slagarann Wannabe.

Samkvæmt heimildum The Sun ætla þær Melanie Brown, Geri Horner og Emma Bunton að halda sínu striki og vera með endurkomu þrátt fyrir að Victoria Beckham og Melanie Chisholm ætli ekki að vera með. The Sun segir að þetta gæti þó orðið til þess að þær ákveði að endurskoða afstöðu sína.

Þær Brown, Horner og Bunton hittust allar í síðustu viku á heimili Horner til þess að ræða endurkomuna en nú hafa þær ár til þess að skipuleggja hana.

• Blogga um frétt