Mads Mikkelsen á RIFF
Setja bókamerki
Danski leikarinn Mads Mikkelsen, sem varð heimsþekktur fyrir túlkun sína á Bond-illmenninu Le Chiffre í James Bond-myndinni Royal Casino, verður meðal gesta á RIFF-kvikmyndahátíðinni í ár.
Mikkelsen mun fá verðlaun RIFF fyrir framúrskarandi listrænan leik (Creative Excellence Award), en RIFF-hátíðin hefst 27. september og lýkur 7. október. Mads mun mæta á opnun hátíðarinnar og vera á landinu til 2. október.
Á RIFF-hátíðinni verða sýndar myndir með Mikkelsen í aðalhlutverki, meðal annars Menn & hænsni svört kómedía sem er leikstýrt af óskarsverðlaunahafanum Anders Thomas Jensen. Einnig verða sýndar myndirnar Konunglegur kostur (Kongelige affære) sem gerist í Danmörku árið 1770 og Bjargræði (The Salvation) sem er mynd úr villta vestrinu í Bandaríkjunum með Mikkelsen í aðalhlutverki. Mun Mikkelsen taka þátt í umræðum eftir sýningu þessara mynda á hátíðinni.
Goslok hafa ekki áhrif á vinnuna
Rampur númer 1.100 vígður í dag
Eldgosinu er lokið
„Þetta þarf að fara að gerast“
Sleppt úr varðhaldi: Búið að klippa kanta á seðlum
Kíghósti á töluverðri dreifingu í samfélaginu
Magnús Tumi: Gýs líklega á næstu dögum
