Fyrirsætan Kate Moss mun bera vitni í meiðyrðamáli leikarans Johnny Depp gegn fyrrverandi eiginkonu sinni, leikkonunni Amber Heard. Moss mun bera vitni seinna í vikunni en þetta kom fram þegar réttarhöld hófust í Fairfax í Virginíuríki í dag. 

Moss mun bera vitni í gegnum fjarfundabúnað samkvæmd heimildum New York Post. 

Í frétt NYP er vísað til þess að lögmenn Depps sáust gefa hvor öðrum „klestann“ þegar Heard minntist á Moss í vitnisburði sínum fyrir nokkrum vikum. Lögspekingar segja að fyrst Heard hafi nefnt nafn hennar hafi það gefið lögmannateymi Depps heimild til að fá hana til þess að bera vitni.

Talið er að Moss muni bera vitni um sögusagnir um að Depp hafi hrint henni niður stiga þegar þau áttu í ástarsambandi frá 1994 til 1997. 

Depp höfðaði meiðyrðamál gegn Heard vegna greinar sem hún skrifaði í Washington Post árið 2018 þar sem hún sagðist vera þolandi heimilisofbeldis. Hún nefndi Depp aldrei á nafn en hann hefur farið fram á 50 milljónir bandaríkjadala í skaðabætur.

Réttarhöldin hafa staðið yfir í vel á annan mánuð og er búist við því að þeim ljúki á föstudag, 27. maí.

Tengdar fréttir

Johnny Depp sakaður um ofbeldi

„Viðbjóðslega illa skrifaður skáldskapur“

• Amber Heard snýr aftur í Aquaman 2
• Depp gefi milljónina
• Heard og Depp ná dómssátt
• Í ástarsambandi með lögmanni sínum

» Fleiri tengdar fréttir

• Blogga um frétt