Afganistan hefur viðurkennt sjálfstæði Kosovo og er þar með fyrsta ríkið sem það gerir. „Við styðjum vilja þjóðarinnar og viðurkennum sjálfstæði Kosovo," sagði Ahmad Baheen, talsmaður afganska utanríkisráðuneytisins.
Stjórn Kosovo-Albana lýsti í gær yfir stjálfstæði héraðsins frá Serbíu. Í dag sendu leiðtogar Kosovo bréf til 192 ríkja og óskuðu eftir formlegri viðurkenningu á sjálfstæði landsins. Samkvæmt upplýsingum frá utanríkisráðuneyti Íslands hefur slíkt bréf ekki borist íslenskum stjórnvöldum enn.