Lögreglan í Keníu er með fimm manns í haldi vegna árásarinnar í Westgate verslunarmiðstöðinni í Naíróbí í síðasta mánuði.

AFP fréttastofan hefur eftir yfirmanni í lögreglunni að von sé á að fimmmenningarnir verði ákærðir fljótlega. Að minnsta kosti 67 létust í árásinni en sómalísku hryðjuverkasamtökin Shebab hafa lýst yfir ábyrgð á tilræðinu.

Ndegwa Muhoro, yfirmaður rannsóknardeildar lögreglunnar í Naíróbí, segir að verið sé að fara yfir símaskilaboð dagana fyrir árásina þann 21. september. Stefnt hafi verið að því að leiða fólkið fyrir dómara í gær en því hafi verið frestað þar sem ekki var búið að fara yfir sms skilaboð sem fóru þeirra á milli þann 17. september sl.

Svo virðist sem árásarmennirnir hafi verið fjórir talsins og þeir hafi allir látist í umsátri lögreglu. Meðal annars var hringt símtal til Noregs á meðan árásinni stóð. Norskur ríkisborgari, af sómalískum uppruna, er grunaður um að hafa verið einn árásarmannanna. Hann heitir Hassan Abdi Dhuhulow og er 23 ára að aldri.

Tengdar fréttir

Hryðjuverkaárás í Naíróbí

Staðfest með tannlæknaskýrslum

• Finna ekki hvítu ekkjuna
• Westgate opnuð á nýjan leik
• Westgate verður opnuð á ný
• Hóta árásum á Oxford stræti

» Fleiri tengdar fréttir

• Blogga um frétt