Þátttaka AGS nauðsynleg
Setja bókamerki
Þýsk stjórnvöld telja nauðsynlegt að Alþjóðagjaldeyrissjóðurinn taki þátt í þriða lánapakkanum til handa Grikkjum.
Þetta sagði talsmaður þýska fjármálaráðuneytisins á blaðamannafundi í morgun. Fjármálaráðherrar evruríkjanna samþykktu seinasta föstudag að veita Grikkjum 86 milljarða evra neyðarlán, en óvissa hefur hins vegar ríkt um þátttöku Alþjóðagjaldeyrissjóðsins í frekara björgunarstarfi.
„Þátttaka AGS er enn nauðsynleg,“ sagði talsmaðurinn.
Hann sagði að Christine Lagarde, framkvæmdastjóri Alþjóðagjaldeyrissjóðsins, myndi aðeins samþykkja, fyrir hönd sjóðsins, að taka þátt í þriðja lánapakkanum ef Grikkir uppfylla öll skilyrði sem lánardrottnarnir hafa sett þeim fyrir október.
Hann sagðist jafnframt ekki geta sagt til um hvenær lánardrottnarnir myndu hefja viðræður við grísk stjórnvöld um skuldaniðurfellingar. Alþjóðagjaldeyrissjóðurinn hefur lagt áherslu á að evruríkin verði að létta skuldabyrði gríska ríkisins.
Sjóðurinn samþykkti að leggja til 20.7 milljarða evra í fyrsta lánapakkanum til Grikklands árið 2010 og síðan 11,6 milljarða evra tveimur árum síðar.
„Byggja varnargarð utan um fólkið okkar“
Ótímabundin leyfi verði líklega ekki gefin út
Hefur ekki upplýsingar um ráðningu Karenar
Arðsemin dregst saman
Áskoranir tóku að berast síðasta haust
„Styttist í nýjustu tíðindi“