Rússar skutu að tyrkneskum togara
Vladimir Pútín, forseti Rússlands. Samskipti Rússa og Tyrkja hafa verið stirð upp á síðkastið.
AFP
Setja bókamerki
Eitt af herskipum Rússa skaut viðvörunarskotum í áttina að tyrkneskum togara í Eyjahafi.
Í yfirlýsingu frá rússneska varnarmálaráðuneytinu segir að ákveðið hafi verið að skjóta á togarann til að koma í veg fyrir árekstur.
Togarinn var að sögn Rússa aðeins 600 metra frá herskipinu en sneri við eftir að viðvörunarskotin gullu við.
Tengiliður tyrkneska hersins í Moskvu hefur verið kallaður á fund utanríkisráðuneytisins vegna atviksins, að því er BBC greindi frá.
Samskipti Rússa og Tyrkja hafa verið stirð eftir að Tyrkir skutu niður rússneska herþotu við landamæri Sýrlands og Tyrklands í síðasta mánuði. Tyrkir héldu því fram að þotan hefði flogið inn í tyrkneska landhelgi.
Mældist á 174 km hraða í gegnum vinnusvæði
„4-5% gólf sem við verðum bara að brjótast í gegnum“
„Farnir að halda verðbólgunni uppi“
„Gleymum því ekki að okkar vali fylgir ábyrgð“
Vill ekki „aumingjalegar“ lækkanir á röngum tíma
Spá launahækkunum nokkuð umfram kjarasamninga
Verðbólgan þrálátari en gert hafði verið ráð fyrir