Friðargæsluliðar í héraðinu í fyrsta sinn í 30 ár
Setja bókamerki
Friðargæsluliðar Sameinuðu þjóðanna (SÞ) koma til Nagornó-Karabak í dag. Nánast allir Armenar sem bjuggu í héraðinu hafa flúið svæðið eftir að Aserar tóku þar við völdum.
Þetta er í fyrsta sinn í rúmlega 30 ár sem friðargæsluliðar SÞ hafa haft aðgang að héraðinu, en armenskir aðskilnaðarsinnar voru við völd í Nagornó-Karabak í nærri þrjá áratugi.
Samkvæmt talsmanni aserska stjórnvalda munu friðargæsluliðarnir sinna mannúðaraðstoð.
Um 120 þúsund Armenar bjuggu í héraðinu fyrir hernaðaraðgerðir Asera.
Stjórnvöld í Armeníu saka Asera um „þjóðernishreinsun“, ásökun sem stjórnvöld í Aserbaídsjan neita. Þau hafa hvatt Armena í Nagornó-Karabak til þess að yfirgefa ekki heimili sín, heldur aðlagast lífi í Aserbaídsjan þar sem réttindi þeirra verða virt.
Alþjóðlegi Rauði krossinn og Rauði hálfmáninn tilkynntu á föstudag áætlun um fjárhagsaðstoð til Armena á flótta sem mun hljóða upp á 20 milljón svissneska franka, eða um þrjá milljarða íslenskra króna.
„Eyddi nánast allri nóttina í þetta“
„Fólk þolir óvissu í ákveðinn tíma“
Hefur ekki upplýsingar um ráðningu Karenar
Dómari vanhæfur í Hvammsvirkjunarmáli
Olíufélögin fái milljarða í afslátt frá borginni
„Byggja varnargarð utan um fólkið okkar“
229 slösuðust alvarlega í umferðinni
