Einn var með allar tölurnar réttar í útdrætti vikunnar og hlýtur hann rúmar 5 milljónir í vinning. Vinningsmiðinn var keyptur í Hagkaup Holtagörðum í Reykjavík.
Tveir voru með fjórar réttar tölur í réttri röð í Jókernum og hlýtur hvor 100 þúsund krónur. Annar vinningshafanna er með miðann í áskrift en hinn var keyptur í Bónusvídó, Þverholti 2 í Mosfellsbæ.
Lottótölur kvöldsins voru 7 - 14 - 21 - 31 - 40 og bónustalan var 23.