Icelandair hefur flug síðdegis

Icelandair hyggst hefja flug samkvæmt áætlun síðdegis í dag og mun bæta við aukaflugi en gert er ráð fyrir að Keflavíkurflugvöllur verði opnaður á ný seinnipart dags.

Í tilkynningu frá félaginu segir að flug til Íslands frá Stokkhólmi, Osló, París, Frankfurt, Amsterdam, Helsinki, London, Kaupmannahöfn og Bergen/Stavanger verði í nokkurri seinkun og muni lenda í Keflavík um kl. 19 í kvöld.

Þá er áætlað að flogið verði til New York, Minneapolis, Seattle, Toronto, Boston og Washington um kl. 21 í kvöld.

Enn fremur verður flogið aukaflug frá Seattle til Íslands sem lendir í Keflavík í fyrramálið og verða tvö flug til og frá London síðdegis og eitt flug til og frá Kaupmannahöfn.

Farþegar eru enn sem áður beðnir um að fylgjast vel með fréttum og komu- og brottfarartímum á textavarpi og á netinu.

• 2 blogg um fréttina

Bloggað um fréttina

• Haraldur Haraldsson: Icelandair hefur flug síðdegis/gott mál það fyrir alla!!!!
• Torfi Kristján Stefánsson: Mynd af landinu rétt áður en Vellinum var lokað í …