Hjá Jóa Fel hefur, í samráði við matvælaeftirlit Heilbrigðiseftirlits Reykjavíkur, ákveðið að innkalla belgíst súkkulaðið, merkt Jóa Fel, þar sem varan inniheldur soja lesitin en þeirra er ekki getið í innihaldslýsingu.
Fram kemur í tilkynningu að það séu eingöngu verslanir Hagkaupa sem selji súkkulaði frá Jóa Fel.
„Soja lesetin er á lista yfir ofnæmis- og óþolsvalda. Samkvæmt matvælalöggjöfinni eiga ofnæmis- og óþolsvaldar að vera skýrt merktir í merkingum matvæla. Samkvæmt upplýsingum frá Hjá Jóa Fel er varan ekki lengur í sölu. Þeir neytendur sem eiga umrædda vöru og eru viðkvæmir fyrir soja lesetini eru beðnir um að farga henni eða skila í næstu verslun Hjá Jóa Fel gegn endurgreiðslu.“