Úrslit liggja fyrir í kosningum til Stúdentaráðs og háskólaráðs Háskóla Íslands, en kosið var miðvikudaginn 1. og fimmtudaginn 2. febrúar.
Í kosningum til stúdentaráðs fékk A-listi Vöku 2499 atkvæði, eða 55,86% og fimm menn kjörna. V-listi Röskvu fékk 1975 atkvæði, eða 44,14% og fjóra menn kjörna. Auð atkvæði voru 333 (6,93%) og kosningaþátttaka var 4807, eða 31,62%.
Í kosningum til háskólaráðs fékk A-listi Vöku 2056 atkvæði og einn mann kjörinn.
V-listi Röskvu 1763 atkvæði og einn mann kjörinn. Auð atkvæði voru 346 og kosningaþáttaka var 4165 eða 27,40%.