„Verður að vera hægt að loka á slíkt“
Setja bókamerki
„Það er ótækt að þessi samtök skuli nota íslenskt lén og ákaflega óskemmtilegt að þeir skuli kalla sig IS og nota einkennisstafi Íslands svona.“
Þetta segir Sigmundur Davíð Gunnlaugsson, forsætis- og dómsmálaráðherra, í samtali við mbl.is vegna vefsíðu tengdrar hryðjuverkasamtökunum Ríki íslams sem skráð er á íslenska lénið Khilafah.is. Vakin var athygli á vefsíðunni í gær og var í kjölfarið hafin skoðun á málinu í innanríkisráðuneytinu. Fundað var um málið í ráðuneytinu í dag.
Vefsíðan var hýst á vegum Advania í gegnum þriðja aðila en þegar fyrirtækinu bárust upplýsingar um síðuna í gær lét það loka henni þar sem viðskiptaskilmálar hefðu verið brotnir. Í kjölfarið lá síðan niðri um tíma en í morgun var hún aftur komin í loftið og er nú hýst í Lettlandi í gegnum hýsingarfyrirtæki sem staðsett er í Svíþjóð. Áfram er hins vegar notast við íslenska lénið. Internet á Íslandi hf. (ISNIC) sendi frá sér yfirlýsingu í dag þar sem segir að verið sé að kanna á vegum félagsins til hvaða ráðstafana megi grípa vegna lénsins. Hliðstæð vinna er í gangi hjá innanríkisráðuneytinu.
„Ég er að láta ráðuneytið skoða hvaða leiðir eru færar til að loka þessu og koma í veg fyrir að það birtist aftur á íslensku léni. Þetta hefur ekkert með tjáningarfrelsi að gera heldur glæpsamlegt og mannfjandsamlegt athæfi. Það verður að vera hægt að loka á slíkt,“ segir Sigmundur ennfremur.
Húsnæðisstuðningur framlengdur til áramóta
„Trúlega rákumst við saman“
„Bíð bara eftir að það fari að gjósa aftur“
Fordæmir leyndarhyggju í skólamálum
Rannsaka drómasýki í hestum
Tímaspursmál hvenær framleiðslu verði hætt
Um 70 jarðskjálftar í kvikuganginum
„Mjög miður að af þessu hljótist kostnaður“