Síðan í gærmorgun hafa mælst á annan tug skjálfta í Bárðarbungu og voru þeir allir
minni en 2 að stærð að sögn Veðurstofunnar.  Í kvikuganginum voru um 15 jarðskjálftar og sá stærsti  um 1,5 stig.

Um 20 jarðskjálftar hafa verið við Herðubreið/Herðubreiðartögl  og allir undir 2 að stærð.

Ekki hefur sést til jarðeldsins í Holuhrauni á vefmyndavélum í nótt og morgun vegna snjómuggu á svæðinu.

Á fundi vísindamannaráðs almannavarna, sem fór fram sl. föstudag, kom fram að áfram dragi úr jarðskjálftavirkni í Bárðarbungu þó hún teljist enn vera mikil.

Þá kom fram, að verulega hafi dregið úr sigi Bárðarbungu. Ekki sé þó allt sem sýnist því þykknun vegna ísskriðs inn í sigdældina valdi því að nánast ekkert sig mælist á GPS-stöðinni í miðju öskjunnar. Áætlað sig bergbotnins, að teknu tilliti til ísflæðis, sé hinsvegar nálægt 5 cm á dag. Kvikuflæði undan Bárðarbungu er nú talið vera 25-30 m3 á sekúndu, sem er um tíundi partur af því sem var í september síðastliðnum.

Tengdar fréttir

Bárðarbunga

Gæti verið byrjunin á margra ára ferli

• Stærsti skjálftinn í Bárðarbungu í níu ár
• Kröftugur jarðskjálfti í Bárðarbungu
• Jarðskjálfti í Bárðarbungu
• Sá stærsti síðan í október

» Fleiri tengdar fréttir

• Blogga um frétt